Day 6 然烏 – 察隅 – 拉姆玉措

瞓到自然醒, 阿 彬尋晚識左個當地旅遊局的人- 羅次, 10點幾帶左我地去察隅未開放的修燈寺參觀, 見識左世上唯一一個牛皮轉經輪. 晏晝本來諗住係然烏hea, 點 知午餐後比羅次捉左去行然烏旁的神湖 – 拉姆玉措. 由3點幾行到6點幾, 沿路景色相當優美, 個神湖倒影仲好靚, 由海拔3千幾行到4千幾連條氣都 行到順晒, 簡直係高原特訓. 行完本來好舒服, 但點知沖完涼後無晒power同胃口, 唯有早d瞓啦. 遇上阿彬的兩軩車友, 日後多了9人同行作 伴.

Previous ◁ | ▷ Next

 

Day 7 然烏 – 米堆冰川 – 波密

瞓左成晚成個人醒晒, 離 開然烏直闖米堆, 再度挑戰體能極限. 0950抵米堆冰川入口, 1015開始行入冰川, 由嚮導米堆Juno(RMB50) 帶領我地一行10人終於 在1553行完. 前段都好好行, 仲幾熱, 但後段行亂石堆就好救命, 又要平衡, 又要顧住部相機, 不過雙腳踏在冰川上的感覺實在好.

Previous ◁ | ▷ Next

 

Day 8 波密 – 八一

0900出發, 沿途愈來愈多樹, 可惜天陰, 唯有拍雲霧. 午餐係魯朗食石鍋雞(RMB180) , 真係好好食. 下午繼續天陰, 看不到南迦巴瓦了,  但遇上一道長長的彩虹. 晚宿八一的YHA渡口客棧, 看其他車友於頂樓酒吧劈酒好好笑.

Previous ◁ | ▷ Next

 

Day 9 八一 – 拉薩 (中秋夜)

瞓到自然醒10 點多才出發, 臨到拉薩前遇上一大片黃葉景色, 超靚. 1953遠眺布宮第一眼. 8點多才入到拉薩, 去左平措新店搵房, 跟住大班人打邊爐過中 秋, 打完邊爐仲趕得切到河邊賞月, 雖然成日有雲遮住個月亮, 但總覺今年的中秋特別美, 連個美心三黃蓮蓉月都特別好食.

Previous ◁ | ▷ Next

 

Day 10 拉薩 – 布達拉宮 –八廓街 – 大昭寺

晨早8 點諗住去布宮西門排隊攞籌, 點知去到人都無個, 直接攞到當日1330的門票. 攞完籌後跟住人潮轉左一圈布宮先去dico’s食個brunch, 跟 住去洗埋個靚頭再出發. 下午1點開始行布宮, 3點半行完, 落山時熱到差d中暑. 跟住去埋大昭寺, 八廓街, 行到好累就係瑪吉阿米hea左成3粒鐘.

Previous ◁ | ▷ Next